بيني وبينك...بقلم الشاعر حسن الشوان
....... بينى وبينك ........
رحيلى ليك كان مفاجىء
ولا كان يخطر على بالك
أثبت ليا حُسن المبادىء
وجانى خبر بإللى جرالك
البعد سوى اللى بينى وبينك
وغصب عننا كان الفراق
اللى عملوه معانا عينى عينك
وحرمووونا من الإشتياق
وعشت لحالى وعشت لحالك
وبعاد الحبايب دايما حراق
قسوة الحسد تعبت قلوبنا
وكل يوم كانت عيونا تبكى
إشتكينا انا وانت لحبايبنا
وكانت الزهور عننا بتحكى
لأنهم عارفين بإللى جرالنا
وكام مره ليهم كُنا بنشكى
صعبنا عليهم لما شافوا دموعنا
وكل واحد فينا اختار طريقه
حتى الشجر اللى كان بيسمعنا
أوراقه دبلت من حُزن عروقه
ومرت السنين ولسه الحب بنا
ودموعك كانت بتنوور رسايلك
رحيلى ليك عشان ترتاح عيونا
وذى ما وعدتك بقلبى جايلك
واللى ظلمونا خلاص بعدوا عنا
وعليك تلم ذكرياتنا على مهلك
............................................
........ د . حسن الشوان 🇪🇬 ........
تعليقات
إرسال تعليق