بننسى اننا كنا اخوات...؟...بقلم الشاعر خيري حسن
قصيدة بعنوان
(بننسى إننا كنا أخوات؟؟؟؟)
بننسى إننا كنا أخوات
وكنا بناكل فى طبق واحد
بننسى البطن ال شلتنا.
وبنمشي ورا رأي النسوان
نسينا لما كنا بنتلم في ركن
واحد من الأوده بندفي
بعض في بعضينا.
ونسينا الشارع والمأوى حتى
نسينا العنوان.
الكل بيقول نفسي نفسي
وأنا مالي ونسينا ضحكتنا
زمان آه آه يازمان..
آه ونجيب منين
الضحكه التايه والأيد
ال كانت بتطبطب وإيد
الأم لما تتحسس فينا
إذا كان واحد عيان.
ونجيب منين السهرايه
ويا قصصنا وبنحكي مع
بعض في حكاوينا في
أيام رمضان.
لهتنا الدنيا ببلاويها
ومشاكلها وقرفها
ونسينا القمر السهران.
آه من الحزمه المربوطه
لما بتنفك وبتتفرفط
عود ورا عود سهل
جدا تتكسر لو جالها الريح
والعصبة تسد لو كان
في وشها شجعان.
بننسى الصحبه والإسم
ال جمعنا من أب طول
عمره ربان إننا نتكاتف
ونترابط والإيد في الإيد
تكون واحده علمنا
وفهمنا الدرس لكن
الخيبه في الخيبان.
ال لو مراته قالت له أخوك
مش منك يرد وراسه
بالأرض نعم صحيح
مظبوط فعلا كلامك على
عيني آه لو ما أطاعش
أوامرها تسبه وتعلن من
جابه وتعايره
بصرصار وجعان.
مع إنهم سلسال من الغربه
أو البوم طيور جارحه على
شكل بنآدمين.
وعاملين إنهم
ياسلام على هيأة نسوان.
تترقوص وتمضغ في
لبانه مع إنها نسيت
نفسيها إنها كانت
بنت العريان.
والشكل مناخير معكوفه
والشعر أسلاك مرشوقه
في راس التعبان.
لو هاوصف مش ألاقي
وصف مذكور إلا
من قاع البركان.
نسينا إننا كنا أخوات.
ونسينا الحضن ال جمعنا
وبنكابر مع إن الأخ سند
لأخوه لو جت عليه
الدنيا والله وأنا بيه
بأعبد وأسجد لو عاش
طول عمره يفتش
هايلف وهايدور
وفي الآخر هايرجع
لأخوه إبن أمه وأبوه
وهيلاقي عنده الآمان.
بننسى إننا
كنا أخوات
19/11/2023
(ترنيمات وخواطر .بقلم...........)
(شاعر العاميه/خيرى حسنى...)
تعليقات
إرسال تعليق