ليه خايف؟؟؟....بقلم الشاعر حسن الشوان


 ........... ليه خايف ..........


ليه خايف وقلبك مش مطمئن

ليه عايش فى قلق وفى حيره 

ليه حاسس بُقرب غدر  الزمن

وشايف حاجات بعينك مُثيره

ونفسك تلقا راحه  فى  حُضن 

ياخدك بعيد عن دموع وحُزن

وتعيش حياتك ف هدوء وأمن

ومتشوفش فى منامك تكشيره

ليه ملامحك بتدارى من المرايا

ليه علامة إستفهام لكل حكايه

ليه خايف وانت عارف النهايه 

مكانتش واضحه فى أى صوره

ليه وليه ويزيد ليه ف الغموض

لسؤال متقالش ومش مرفوض 

بنعيشه فى حياتنا بلا حدوود

ليه الخوف فينا بلا أى تأشيرة 

خلتنى معاك اعيش فى خووف

وعودتنى أخاف من كل حروفه 

دلوقت بقا ميهمنيش أى خوف 

ولو عرفت مكانه حروح اشوفه 

خلاص مبقاش ف العمر تصبيره

والرحيل واجب نافذ ع كل سن

لا يغييره مكان  ولا كمان وطن

لا ليه فترة إنذار  ولا رقم  يرن

ولا عمر قراراته  ما كانت  عيره

والخوف فينا ف الفرح والمحن 


.........................................

...... د . حسن الشوان 🇪🇬 .......

تعليقات

المشاركات الشائعة من هذه المدونة

سبحان مبدل الأحوال...بقلم الشاعر عيسى حموتي

لغات العين....بقلم الشاعر عيسى حموتي

تائهة مع الأمواج....بقلم الشاعر هاني فايق اسكندر فرج

جنازة الغزل....بقلم الشاعر محمود قاسم

أنا من بلادي العرب أعشق موطني....بقلم الشاعر ساري مشارقة

مدينة المرايا تنير وتستنير...بقلم الكاتب والشاعر علاء فتحي همام

صخرة سيزيف....بقلم الشاعر محمد أكرجوط

ملحمة العاشقين....بقلم الشاعر حسن احمدالفلاح