لو ف جوابك؟.....بقلم الشاعر عبد الكريم محمد أحمد

 لو ف جوابك.......رد سؤالي

هيكون عشك..قلبي الخالي

اللي فات....من عمري ذكرى

الباقي منه......معاكي أماني

وغرام يعلا.....بقرب وصالي

يغلب شوقي....بتمنه الغالي

واللي كان....ف العقل فكرة

ويا حنانك.....عشته ف بالي

اللي ف ليلي...يوصف حالي

حلم جميل...لو حتى خيالي                    ييجي اليوم ينده على بكره

شروق شمس...وقمره يلالي

مدي شراعي...وشدي حبالي

هدي الموج......وكفاية دلالي

إوعي تكوني......لحبك ناكرة

ونبض القلب......ينادي تعالي

هاتي جواب...من حب ندالي

أبني عليه....الشوق ف علالي

عهدي معاكي...خليكي فاكرة

تديني حبك....تاخدي وصالي

**************************

✍️بقلم/عبد الكبير محمد أحمد 

    جمهورية مصر العربية المنيا