غنوة الصبر.. بقلم الشاعر/د. إبراهيم القماش
غنوة الصبر
زرعت فييا حرب اكتوبر
حب الشعر والاصرار
وكانت هي بداية الكلمة
واول خطوة في المشوار
شفت فجر النصر طالع
في كل شارع وفي كل دار
جيش الكرامة عاد الحقوق
خلا اليهود تعمل فرار
والهلال حضن الصليب
هنوا بعض بالانتصار
والشمس طلعت بالاماني
فرشت الدنيا عمــــــار
عادت سينا يامصر تاني
غني ياشط القنال
اروي ل قمر الليالي
غنوة الصبر اللي طال
احكي تاريخ الاسود
وازاي عبروا المحال
قصص البطولة والصمود
في قلب ميدان القتال
صبوا غضبهم قنابل
فوق المعتدين وبال
مدوا امالهم سلالم
طلعوا بيها في الرمال
كبروا الله اكبر الله اكبر
شقت في قلوب الجبال
رسموا بالعلم الطريق
نسجوا بالامل الحبال
بالايمان الله نصرهم
كبروا وعبروا القنال
وكان بارليف الحصين
وهم وخرافة وخيال
الله اكبر علي كل غاصب
علي كل باطل او ضلال
دكتور ابراهيم القماش
مصر
تعليقات
إرسال تعليق