أيوووه عليكم..الشاعر/د.سعيد عزب
أيووووه عليكم....
عليكم ياناسنا ...
.تعبتوا نفوسنا .....
وخلصت فلوسنا .....
.عليكم ياهووووه ....
..قلبتوا حياتنا....
من ساسها لراسها.....
حبستوا نفسنا ....
لاشفنا خلاصنا. ..
ولاباين خروج ....
ده عنق الزجاجه ....
مامنوش هروب ....
وناسنا اللى حاضره ...
.وناسنا اللى غايبه. ..
بيقولوا ياهووووه.....
.وجبتوا اسكندريه .....لقلب الصعيد ...
.وكفر الهنادوه..... ف بورسعيد ...
وخليتوا الغلابه.....
زى الديابه .....
بتاكل وتنكر....
ونابها حديد ....
حقيقى بصراحه ...
كشفتوا جراحنا .....
وجابت صديد. ....
ونشكى ف صباحنا....
ونبكى ف مسانا .....
ونفطر دموع ....
عشانا قديد ....
عشان ماتملوا ....
خزائن حديد ....
بدم الغلابه .....
ونفضل نهاتى....
ونستنى بكره ....
يجينا بجديد ....
ونلقاه جى. لينا ...
معاه الوحوش ...
بتاكل زلط ....
وتملا الكروش....
ونفضل زى مااحنا ....
بناكل صديد. ....
نداوي الجروح ....
ونرسم أماني ......
وتمضى السنين.....
فوق ع الجبين .....
وأعمار تعدي.... علينا بشروخ
مابين الألم ....وأرواح تروح
لاشفنا فيها راحه ......
ولا بطلنا نوح ....
ايووووه عليكم .....
عليكم ياناسنا .....
تعبنا ويئسنا .....
وضاعت فلوسنا ....
وماتت نفوسنا ....
من تعب السنين .....
كفايه عليكم ...نيران الجحيم
فى يوم الحساب ....وماهوش بعيد
د/ سعيد عزب
تعليقات
إرسال تعليق