القرار....بقلم الشاعر سيد السباعي
القرار
القرار صعب بس الاصعب
منه هو الانتظار
في ناس كثير عايشه
في الدنيا ومش قادره في
حياتها مره تاخذ قرار
ولما تيجي تبص لعيشتهم
تلاقيهم تعبانين من التفكير
بالليل قبل النهار
يمكن عشان ما فيش حاجه
بايديهم او شايفين حاجه
واحده سهله وهي الاعتذار
مع ان الدنيا فيها حاجات
كثيره احسن من الاعتذار
وفي ناس تشوفها العند
ماليها ومش قادره تفهم
اني اللي مكتوب هو بس
اللي ليها واسرع حاجه
في حياتها اتخاذ القرار
وهي فاهمه وعارفه اني
ما فيش حاجه بتتم
الا باذن الله وهو بس
اللي يقدر يغير الدنيا
بين الليل والنهار
بقلم سيد السباعي شاعر الغربه
تعليقات
إرسال تعليق