صوت الألم ...بقلم الشاعر محمد سليمان أبو سند
💐 صوت الألم 💐
بقلم : محمــد سليمــان أبوسند
صوت الألم جوا الوجع مكتوم
رسام بيرسم خيال
صورة فوق الحيطان
ويا الخيطان متكعبله خطوته وخداها لسكة طريق مقفول
صبغت دموعه أنين
بلون وردها المدفون
غزالة حارسة أسد
بالليل على الشبابيك
تنده بصوت مكتوم
ليل الضباع مسموم
كتف الزمان موشوم
راح الزمان ورجع
ورجع الولد مهموم
غير طريق خطوته
قاعد بيرمي الودع ويا الحصى
والبحر هايج رايح شوية وجاى
وهى كانت مصالح
منين ماتروح
تلاقى فين عزلتك
راحة من الخاينين
نسيانك أصبح نجاة
عزلتك تفتح بيبان لآمال
لا قولنا ولا قال
لا بسين قناع الشرف
جابوا لحياتك قرف
اوعاك فى يوم تنسي طعنة غدر
جات من طريق مأمون
إياك تآمن لهم
والكل أصبح يوهمك
إنه ملاك
وانت اللي مخدوع بالذات
لابسين قناع الحمل
ديابة من تحتيه
مستنين وقعتك وتكتر السكاكين
بقلم : محمــد سليمــان أبوسند
تعليقات
إرسال تعليق