مالي عذر....بقلم الشاعر دخيل العطيوي الثقفي
مالي عذر
للشاعر دخيل العطيوي الثقفي
؟؟؟؟؟؟؟؟ .......... ؟؟؟؟؟؟؟؟
عن ودكم مالي عذر يوم تقسين
جيتك غلا ماجيت .. لك بالغصيبه
أنا تمنيتك هوا .... القلب والعين
واعطيت لك روحي وأخذتك حبيبه
والقلب لك مهما حصل بيننا بين
يرقى بحبك في الحياه الصعيبه
وأخلاق ترقا بي ...على قوله الشين
لي عند كل الناس .... ذكرى وطيبه
وإن كان نفسك غيرت فالموازين
وش ذنب قلبٍ حطك أقرب قريبه
من يزرع المعروف .. عند المقفين
يحصد تواليها......... ندامه وخيبه
حديتني في درب مدري على وين
رميتني بالضن ....... رميه عجيبه
لكن لو جارو ........ عليك الموالين
أنا حريبه لجل ...... عينك حريبه
لا والذي سواك .... يا كاحل العين
إنك بقلبي في حضور... ومغيبه
بعيش طول العمر ومحبتك دين
وأشيل حبك دون ..... شك وريبه
تعليقات
إرسال تعليق