نفسي أجيلك....بقلم الشاعر السيد حجازي
نفسي أجيلك
نفسي أجيلك وأقعد معاكي
تحكيلي حدودتة زمان
كنت أنام على كف إيدك
كان جو حجرك ببت أمان
فاكره يامه نفسي في لمة
ولا خلاص ماعدتش لمة
بعد موتك اللمة غمة
والود أصبح ودودة
والشيطان عبي الودان
وماعدتش باقي من زمان
غير صورة حملاها الحيطان
نفسي أجيلك وأحب إيدك
إللي مسحت دمعي الحزين
كنت يامه بتصبريني
عاللي شفته من السنين
كان بيملي الدمع عينك
وأسمع نحيبك
وإنتي بتصلي الركعتين
مش بقولك انتي الحبيبة
اللي قال عنها الرسول
قال للصحابي هي أمك
ثم أمك ثم أمك
رضاها مفتاح القبول
عارفه يامه نفسي في ضمة
عارفه يامه محتاجها يامه
بس مستني المقابلة
وبدعي وصابر
وكنتي دايما تقوليها يامه
اللي بيصبر بنول
نفسي أجيلك وبدعي ربي بالقبول
نفسي أجيلك
سيدحجازي
الله يرحمك يا أمي
تعليقات
إرسال تعليق