سامريني.. بقلم الأديب/أسامة جديانه
سامريني
واحكي قصه من الخيال
احكي قصه حب احكيها بدلال
احكي صمتك وانت ماشيه
بتهزي الجبال
احكي لما داعب خصله من شعرك
حبة رمال
احكي قصة عاشق
من كتر شوقه صبح رحال
ماشي يبحث عن حبيبته
جوه زقاق الخيال
احكي حلم طفل لما
اتبعثرت منُو الآمال
لما كان عا الشط بحلم
بيبني عشه فوق رمال
كانت بالنسبالو قصر
بس كان صعب المنال
جت الموجه وهدت حلمه
فجرت عنده كام سؤال
ليه ياموجه تهدي قصري
وانجرحت لما مال
طفى عندي براكين اليأس
فى أنتظار صلاح الحال
اقنعيني ببسمتك
بعد ظلمي سنين طوال
اننا فى دنيا جميله
أصفا من دنيا الخيال
سامريني
وضمدي كل الجراح
دمع عيني شق خدي
لما نور الصبح لاح
نفسي أنسى لحظات ألم
وانعم بلذه وارتياح
سامريني
واحكي قصه من الخيال
(((أسامه جديانه)))
تعليقات
إرسال تعليق