راجعة ليه.. بقلم الشاعر/د. إبراهيم القماش
راجعة ليه ؟
فاكرة حضني لسه
بينادي عليك او شاريك
فاكرة اني هفضل
تحت رحمة حنيني
وشوقي اليك
فاكرة قلبي لسه فاكرك
مش ناسيك وان دقاته
بتجري عليك وتنادك
لاء خلاص قلبي اللي
حبك باعك مش شاريك
والنهاردة في اندهاش
بيسالك راجعة ليه
بعد ما داق كاس العذاب
واتجرعه من بين اديك
وبعد ما شرب السنين
حزن وانيين ورغم الحنين
من قلبي المدبوح والحزين
اللي هجرتيه ونستيه
بصرخ وباعلي صوت
وبسألك ... راجعة ليه!؟
بقلم دكتور ابراهيم القماش
مصر
تعليقات
إرسال تعليق