أخويا.. بقلم الشاعر/عصام السعدني

 ( أخويا )

لما سألوا ع الغوالي...

قولت أغلى الناس أخويا...

قبل عمي وقبل خالي...

إبن أمي وإبن أبويا...

هو ضهري وهو سندي...

هو أغلى حاجه عندي...

لو تعبت يموت ل وجعي...

لو حاربت يكون في ضهري ...

شكله شكلي ودمه دمي...

سري سره وسره سري...

في الرجوله تقول علامة...

ولا طيبته والشهامة ...

والأمانه في طبعه شامة... 

ربنا يبارك في عمره...

ويسعده يوم القيامة.

هو عندي ب ١٠٠ صديق...

هو ليا كل شيء...

لو في يوم حسيت بضيق...

تمسحه منه إبتسامة.

لو في يوم عني سمع...

إني حسيت بالوجع...

قلبه ليا ........ بيتوجع...

حاله يتحول غمامه.

لو في يوم إحتجت ليه...

ليا يوهب نور عنيه...

ربنا يباركلي فيه...

ويرزقه الخير والسلامة. 

بقلم 

عصام السعدني..