شعر أبيض.. بقلم الشاعرة/يمنى فاضل
قصيده : شعر ابيض
بِشَعر أبيض
و عيون حزينه
و ضهر مَحنى
مسنود بِحيطه
وبيت ما بتدخلوش
الشمس
و وش باهت
مخنوق و ساكت
بِضحكه خرسا
على شِفه ماتت
محفور عليه
ممنوع تحس
و قلب يُنبض
و صوته واطى
دقاته تايهه
فى قلب ماضى
مِستنى كلمه
من أى إِنس
لقمه بايته
بطعم ماسخ
وبُن بارد
فى القعر راسخ
وكرسى فاضى
ف ليل طويل
محتاج لأُنس
تليفونها ميت
مفهوش حراره
مقطوع سلوكه
مليان مراره
وان رَن غلطه
بِيرن هَمس
يارب عِنا
لو جَتنا لحظه
نتمنى حضن
أو حتى لمسه
نستنى نظره
أى نظره
او كلمه بَس
#يمنى-فاضل
تعليقات
إرسال تعليق