أوعي قلبك يوم يخاف.. بقلم الشاعرة/سناء البنا
اوعي قلبك يوم يخاف
او تحسي بضعف مرة
كوني أقوى من ال شاف
جوه عينك دمعة حرة
مهما حاولو يكسروكي
أو يحاولو يهدو حلمك
او يعيشو الدور عليكي
أوعى ترضي يوم بظلمك
علتيهم خدتي ايه
من بناكي لما هدو
كان مناهم يجرحوكي
داسو علي حلمك وعدو
درس واتعلمتي منه
اللي فات عدي وخلاص
اوعي يوم تشيلي همه
ال جاي هو الأساس
واصلي حلمك كملي
ان وقعتي قومي تانى
وإن تعبتي إتحملى
بكره يستاهل نعاني
لسه مشوارك كبير
كوني قدوة في التحدي
جوه منك خير كتير
بكرة شايل حلم وردي
انتي بنتي وزرع يدي
انتي قد المستحيل
عدي فوق الجرح عدي
أوعى دمعك يوم يسيل
إنتي عمرى وبنت عمري
عمري ما أقبل تضعفي
بكرة تبقى أد عمري
وقتها راح تعرفي
إني ضهرك لو سندتى
إني حضنك لو بردتي
وإبتسامتك لو ضحكتي
وحدها تطرح سعادتي
سناء البنا
تعليقات
إرسال تعليق