بنحلم.. بقلم الشاعر/شاذلي عبدالرحمن حسين
. بنحلم
في بيت من طين
وشوق وحنين
وتحت التوتة مستني
وكنكة شاي
وصوت الناي
واجمل صحبة بنغني
وصوت عصافير
معاها هدير
وشط النيل بلون الخضرة يسحرني
وراحة بال
يروق الحال
وعمر تعيشه متهني
وعدى اليوم
صحيت من النوم
فارقني الحلم . راح سابني
غريبة الدنيا وأحوالها
نعيش الحلم في جمالها
ولما نفوق بينساني
واجر الساقية من تاني
وانا مربوط في أحزاني
وأاااه ياني
بنحلم والزمن جاني
بإيده بيبني أوهامي
ويرجع يسرق الفرحة
الاقي الدنيا وخداني
وجوه تعبها رمياني
بنحلم حلم مش لينا
دا حتى النوم بيجفاني
بنجري ف دايرة الأيام
ودايرة عمري سبقاني
وأاااه ياني
................................
بنحلم
شادوليات
شاذلي محمد عبد الرحمن حسين.
تعليقات
إرسال تعليق