حياة ثانية....بقلم الشاعر رزق الحويط
حياة ثانية !!
_________
برغم الضلمة و العتمة
و نور شَت و تبعتر ....
من شبابيك .......
روحي !
أنا صابر علي ......
جروحي !
برغم الضيقة الساكنة ....
أعماقي !
بتهد فيا و تحاصر.....
أفراحي !
أنا قادر اتصالح مع.....
همي و أحزاني !
برغم غدر الأحبة
و حب بينشف.....
حبة.... !حبة.....!
الحب ف قلبي.....
طارح !
و النور بين جوانحي....
سارح !
و قلبي لساه بيتنفس....
مودة !
برغم الحياة صعبه
و أوقات مريرة......
و قاسية !
حب الحياة أحلى
اطربها بالضحكة
اكسوها أمل تسوى.....
نعيش عشان غيرنا
نموت عشان غيرنا
نعيش حياة تانية !
نعيش ..........
حياة أطول !
حياة جنة !
بعد موتة..........
و تضحية !!
بقلمي: رزق الحويط في ٣-١٠-٢٠٢٣
تعليقات
إرسال تعليق