ياطيب اوعه تتغير..الشاعرة /د.زكية فيصل
((ياطيب اوعي تتغير))
خليك اصيل ولو حتي ميستهلوش
اوعي في يوم تتغير وتبقي زيهم
الطيبين موجودين في الدنيا مخلصوش
وعند ربك الرحمن رضاهم وجبرهم
ولا تزعل يوم انك طيب ولاتندم علي فعل الخير
دا العمر بيعدي في لحظه والعمل الصالح اللي بيبقي
ازرع خير ومحبه وطيبه تحصد منهم رزق كتير
لماتعوم هتعوم في البحر اللي انت رميت فيه الشبكه
اصل الدنيا دوارة وكما تدين تدان
لو ظلمك حد سيبه واشتكيه لله
صدقني والله هتبقي انت الكسبان
وهو بكرة يدوق ويشرب من اذاه
الطيب مش عبيط دا اذكي خلق الله
عارف ان الدنيا فانيه ومش دايم له غير طيبته
عايش بقلب هين لين زي النبي ماوصاه
ومش فارق معاه غير انه يرضي ربه
عيش بقلبك الطيب وصفي نيتك
ومهما يعملوا اوعاك في يوم تتغير
خلي هدفك رضا ربك وجنتك
دا اللي يبعد عن ربنا يشقي ويتحير
زكيه فيصل
تعليقات
إرسال تعليق