اعلان إفلاس....بقلم الزجال يسري عثمان
إعلان إفلاس
******
ولا تقولي نجم والا
جاهين
دانت ياصاحبي اللي
عليك العين
الصعب في ايدك بقي
هين
موجوع وياصاحبي
مابتبين
وفي وسط الناس
وش بيضحك
وفي فرح الدنيا
بتتمحك
روح مني ياصاحبي الله
يسامحك
دا الدمع السايل يملا
العين
لاتقولي بيرم ولا
جاهين
بتجيب الحرف الباكي
منين
عيني عليا وعلي
السامعين
هونها علينا يارب
الكون
مانت في ايدك كن
فيكون
الألم الساكن والمكنون
والقلب الطيب قال مجنون
والفعل المحتار في حروفك
بيفرق حيره في كل الكون
وانا بين الناس جوايا احساس
من بعد.كلامك قولت خلاص
حارمي دوايتي والكراس
وأعلن في الشعر
عن الافلاس
تعليقات
إرسال تعليق