تعبت معاكِ....بقلم الشاعر حسن الشوان
..... تعبت معاكى .....
تعبت معاكى مرار السنين
وخطاويكى عكس الصحيح
إتمنيت رضاكى وأنا حزين
والصوت من لسانى فصيح
واضح المعانى وانا بعانى
ملامحه مخلوقه ربانى
بتقول كلام بكل المعانى
وبكل اللغات بتنده وتصيح
تعبت معاكى من صغرى
خلتينى على طول بجرى
لغاية ما دريتش بعمرى
لما شوفته فى المرايا جريح
تعبتيتى تعب خارج الوصف
أحزانه واضحه ف كل حرف
مش باين فى ملامحه عطف
وبالفطره بينطق بلا تصريح
عمرى ما إعترضت مره عليكى
سلمتلك إمرى وانا واثق فيكى
وسنين عمرى جريت م إيديكى
ولا داويتينى من الجرووح
تعبت معاكى وواخدانى وراكى
ماشى مجرور بلبى نداكى
حقك أطيعك لأفوووز برضاكى
وف الأخر تسبينى ف مهب الريح
.........................................
....... د . حسن الشوان 🇪🇬 ......
تعليقات
إرسال تعليق