المبادئ...بقلم الشاعر حسن الشوان
.......... المبادئ ..........
كُنت زمان كتير بتحمل
ولا كان يهمنى القيل والقال
وعمرى ما عشت متسول
عشان اخد منصب وأحتال
ولا عن الحقيقة أتحول
ولا ألووونها حسب المجال
كُنت زمان كتير بتحمل
ولا يهمنى ضغوط الأحمال
والشجرة لسه بتظلل
والدم بعرووقها لسه شلال
ولا عمرها يخليها تتحول
ولا الخريف يمنع ظلها بمال
ولو جالها الف ممووول
ظل الشجره م اساسه شيال
ولا يتراجع عن الأول
ولا ح يغير لوون ورقه بشال
ولا يتبدل ولا يتحوول
ولا يعيش على الربابه موال
المبادئ لا ليها مزاد ولا فصال
ولا تترك اليمين عشان الشمال
ولا تنكر الحقيقة فى أى سؤال
ولا فى أى موقف تتبدل
لأنها اغلى من الدراهم والريال
......................................
.... د . حسن الشوان 🇪🇬 ......
تعليقات
إرسال تعليق