كيف أنساك.. بقلم الشاعر/خالد الطاهري
كلمات
خــــالد الطاهري .. شامخ الهامه.
ياللي به القلب هو والنفس مرتاحه
والود والحب في قربه يشوقني
اباك يازين قدامي في الواحة
مايفارق اثر ظلك روى عيني
يانسمة الليل يالوزه وتفاحة
لاكن بي جرح من غيرك يداويني
كيف اقدر انساك ياقلبي ومصباحه
والشوق والحب من شوقه يغذيني
يامعنويات نفسي في سرحه ورواحه
يا الاكسجين النقي والنبض والنيني
ترى محياك عندي نور الساحة
وان طال فرقاك مافرقاك يغنيني
يازين ياللي نقش حبه في اللواحة
وطيفه الساحر الجذاب
يطريني
اباك في شي يرد الروح في راحة
بلمسة اليد لو تسمح تكفيني
فيمن لها الشوق مثل النار جواحة
والقلب والنفس والوجدان تكويني
اضمد بها قلبي المشتاق واجراحه
ماظن يازين في هذا ترديني
تعليقات
إرسال تعليق