هيفيد بإيه؟!.. بقلم الأديب /د. رزق الحويط
هيفيد بإيه ؟!
___________
هيفيد بإيه؟!
لو تسهر الليل الطويل
و تعيشه ضي نهار
لو زدت صمت الروح
مع زهد الكلام
هل تفتكر هيرجع
العمر اللي فات
او تفتكر راح يمسح
الدمع اللي سال
هيفيد بإيه؟!
لو تنعي حظك مرة
او تشكي الهموم
تنسى بإنك تبكي
ع الأطلال
وإن القدر أحوال
و إنك كمان محكوم
لسانك بلجام
و إن مش كل المنى
طبعا تنال
و إن تغير القدر
أكيد محال
و لا كل رغبة تبقى
حتما مستجابة
ولا كل سؤل تلقى
له دايما إجابة
تنسى إن القلب
ما عاد ينبض براحة
و إن روحك تايهة
ف متاهة
و إن الصبر مش خيار
و إنه دا أفضل قرار
برغم طعم المر
و إن كله ف القدر
و مهوش شطارة
هيفيد بإيه؟!
لو تجلد القلب الرقيق
و يهون عليك وجع الفؤاد
و يهون عليك وجع الفؤاد
بقلمي: رزق الحويط في ١_٨_٢٠٢٢
تعليقات
إرسال تعليق