زمن الطيبة.. بقلم الشاعر المبدع/شاذلي محمد عبدالرحمن حسين
●●●●●●● زمن الطيابة ●●●●●●●
علمك يا ابويا تقيل ● نفسي أشوف زمنه
والناس همومها كتير ● كتر النفاق تمنه
قولت الامل في الخير ● خانوا ولا إئتمنوا
كدب وخداع من الغير ● حتى الوفا دفنوا
وتعبت من التفكير ● علمك وراح زمنه
قولت الطيابة ضمير ● وضميري زاد حمله
أهل النفاق ضالين ● بيدوسوا على أمنه
وانا قلبي طبعه الخير ● وكأنه مش زمنه
عجب العجاب بنشوف ● واحنا بعاد عنه
ماشين في أرض الخوف ● بندوق كتير منه
والظلم مش مكسوف ● سايق ولا هامه
وش الضلال مكشوف ● ولا حس على دمه
والحق عاش مكتوف ● قافلين على فمه
زمن الطيابة راح
والخير ده مش زمنه
●●●●●●●●●●●●
شادوليات
شاذلي محمد عبدالرحمن حسين.
تعليقات
إرسال تعليق