وأيه يعني.. بقلم الشاعر/أسامة جديانه
وأيه يعني
أعيش وحدي
بعيد عن كل الناس
كفايه همومي في قلبي
و مقتول جوايا الاحساس
عشت بينهم ظلموني
و بكوا في ليلي عيوني
وطلبوا مني الاخلاص
و وفيت و لما أخلصت
غدروا بيا و باعوني
عشمهم فيا كل وقت
انسى الغدر
وافرح لو يقابولني
يعيدوا الكره100مره
أقول اهلي ومن دمي
***
يقولوا عليا مش فاهم
و مهما نقول مايتكلم
بينسى الأسى و الألم
و لو يفهم كان اتعلم
و قال رأيه و عليه صمم
طيب و خايف يوم يظلم
يدوب عايش علشان يحلم
و مهما ظلمته بيسلم
كرهت نظرة عيونهم
كرهت الغمزة و اللمزة
و بكره نفسي من لومهم
***
ياللي انتم عشقكم المال
ما يفرقش حرام و حلال
شبعت منكم قهر واذلال
بعدي عنكم مفيش في فصال
تعبت من القيل و القال
و قلبي من الهموم حمال
خليتوا حالي غير الحال
كرهت صحبة الأندال
(((أسامه جديانه)))
تعليقات
إرسال تعليق