علموني أشيلك.....بقلم الشاعر حسن الشوان
......... علموني أشيلك ........
انا إللى شربت من نيلك
وكبرت فى حضن عبيرك
وجدودى علموني أشيلك
لو ريشة جرحت طيرك
أضمه فى أحضانى وأجيلك
وأداوويه بقرأنك و إنجيلك
واعيش طول عمرى أسيرك
أطبطب عليكى و أغنيلك
ولا أشوف دموع عينيكى
ولا يووم ينطفى نوررك
ولا ألمح رعشه فى إيديكى
ده عمر حياتى بيكبر بيكى
وانا ماليش وجود من غيرك
وبإيدى أسقيكى وأحكيلك
ده لحم كتافى من خيرك
وإنتى على راسى وباقيلك
......................................
......... حسن الشوان 🇪🇬 .....
تعليقات
إرسال تعليق