نفسي أعرف....بقلم الشاعر محمد سليمان
نفسي أعرف
ليه غيرك بفرحك من السعادة موهوم
وانت بفرحه مغموم
نفسي اعرف
انت كدا ليه
وجواك إيه
نفسي اعرف
الدين بيقول
وبيكون احلي قول
حب لاخيك ماتحبه لنفسك
يمكن يوم تحتاج وقفته جنبك
ونفسي اعرف
ليه نار الغيرة
ماليا قلبك بالغيره
دا حتي من غير تسعيره
وخلي بالك النار مبتحرقش غير اللي كابشها
وفيها تتحرق حتي هدومك اللي لابسها
واجري جري الوحوش
غير رزقك لم تحوش
قليل فيه بركه
غير كتير منظور
هو انت فاكرها تركه
اكيد كاسك عليه الدور
ونفسي اعرف
ليه باصص في لقمتي
وعارف سكتك غير سكتي
. سكتي بالخير عمرلنه
وسكتك من شيطانها اه يانه
علشان عندك الزمه خربانه
ليه نفسي اعرف
انا لما الدنيا ضاقت بيا
لقيتك فرحان فيا
والله هي مش بالكتير
ولا بالقليل
دي بالبركه
ماهو تزرع خير
تلاقي الخير
ولا عندك راح فين الخير
نفسي اعرف
بقلمي محمد سليمان
تعليقات
إرسال تعليق