خصلة شعر ...بقلم الشاعر بشار أبو حمدان
... خصلة شعر ...
ماظل... غير... خصلة شعر
عم يدمع عليها الشعر
شو صار فينا يا وطن
تانكتبك ما ظل حبر .....
بالدم عمنكتب وطن
ونصارع كبار المحن
بس الوجع ما لو دوى
ودموع عمتصرخ حزن
أطفال عبتكي ألم
وبعيونها ضاع الحلم
خلص الحكي ماظل حكي
آهات وهموم وعتم
يااارب تشفي هالوطن
نظرات من تحت الحجر
عمتنده بصوت القهر
زلزال من قلب الطفل
من جوع مابيعرف صبر
حامل معو بس الكفن
ياااارب تشفي هالوطن
أطفال من عمر الورد
عبترجف دموعه برد
ضاع الصدى ببحر الردى
والخوف من صمت الزرد
عبيشتكي حال الزمن
يارب تشفي هالوطن
بشار أبو حمدان ( الرحال )
تعليقات
إرسال تعليق