سهران في ليلى.. بقلم الشاعر/فوزي سليم

 سهران فى ليلي والليالي باردة..

سهران لوحدي والأفكار شاردة..

قاعد تحت البطاطين ومش دفيان..

يعملوا إيه اللي فى المخيمات قاعدة..

في وسط الثلج عرايا.

 وكل الناس شاهدة...

حقوق إنسان وصدعونا بيها .

لكن مشاعرهم وقلوبهم باردة ..

الحقوق ليهم بس أما حقوق العرب مالهاش فايدة...

لأن بعضهم على بعض قلوبهم جاحدة...

والجاحدين منهم ربك وعدهم بنار قايدة...

فلوسهم بتتصرف على سلاح مامنهوش فايدة..

شبعوا بعد جوع وايديهم للعدو ممتدة...

ومافيش فايدة منهم غير الكلام والمناهدة..

وسعد زغلول قبل مايموت قال لهم مافيش فايدة..

.

عجبي على وطن غني بثرواته .وبيستلف بالفايدة.

الاديب والشاعر/

فوزي سليم.مصر

سفير الثقافة والمعرفة وحقوق الانسان.