رسالة إلى جاهل.. بقلم الشاعر/جمال زكى عينر
رسالة إلى جاهل :
علشان تعرف تتكلم
روح الأول واتعلم
بعديها تعالى نافسني
إمسك قلمك وبارزني
خللي الجمهور يتفرج
واحد فينا هيتخرج
والتاني يروح لامه
يشكيلها خيبته وهمه
يا حبيبي العب على قدك
شوف نفسك والزم حدك
لما تفكر تتحدى
شوف لك عيل على قدك
وبلاش هلفطه وحاجات
تلقيح زي الستات
نفسي تكون راجل يا ابني
وف وشي تعالى واجهني
على فكره حبيبي انا عاذرك
علشان فاشل طول عمرك
مشكلتك شايف إنك
ناصح اوي ومفيش منك
مع إنك صعبان ع الناس
علشان فاقد للإحساس
مش حاسس إنك جاهل
ولا عندك افكار في الراس
ياللا هناخدك على قدك
ونسايسك ونبوس خدك
مش معناه عايزين نراضيك
ولا عايزين نكسب ودك
ولا برضه عايزين نرازيك
ولا عايزين نبقى ف ضدك
نفسنا بس تكون موزون
تعرف رجلك من يَدَّك
نفسنا بس تكون موزون
تعرف رجلك من يِدَّك
بقلم الشاعر جمال زكي عينر
تعليقات
إرسال تعليق