فرحت بك.. بقلم الشاعر/د. دخيل العطيوي
فرحت بك
للشاعر دخيل العطيوي الثقفي
،،،،،،،،،،،،،،،،،،،،، ،،،،،،،،،،،،،،،،،،،،،،
فرحت بك وانا قبل في خاطري تعبه وضيق
لكن فرحت خاطري بك بددت كل الجروح
اليوم كانت غير واحلامي بدت لي تستفيق
من وقت شافتكم عيوني زاد فيني البوح بوح
يامن كتبت على ظلوعي حبكم لنه يليق
يازين حرف اسمك على صدرحوا قلباً وروح
ايو الله ان العشق فيكِ يشبه الدر العتيق
ياخذ بريقه من محياكي ويكسبه الوضوح
أغار من عود الأراك إن بلل شفاتك بريق
وأغار من ذاك اللثام اللي كسى الوجه الصبوح
وإن زاحموك الناس بالمقصود فاطراف الطريق
وقفت في وجه المعاند بالقسى حتى يروح
فديت ذاك الوجه ما يلحقه شين ولا يضيق
يبقى مع الايام شامخ مثل شمخات الصروح
كل المعاني والوصايف في محاسنها تليق
مُكَمله والكامل الله ياعسى أيامك فروح
الود لك والطيب مخراجه من الصدر الشفيق
والحب والتقدير مقسومه على عينٍ وروح
على الوفا والطيب نمضي دامكم اغلى رفيق
وسط الحياه الي مشينا عسرها قبل البروح
تعليقات
إرسال تعليق