أبو الهول نايم وصاحي.. بقلم الشاعر/صلاح شعبان الفيداوي
===== أبو الهول نايم وصاحي ====
سيبوني أنام شويه
السهر تعب لي عنيه
الناس تبص وتضحك
ولا حد سائل فيا
ما أنا كنت سنين مفتح
وحارس كل الحته
تيجو علشان غفلت
الكل يشمت فيا
طب اهدوا ياعالم حبه
ابو الهول بصحة قويه
مدام النيه دي صافيه
الخير يكون بالنية
يامصريين افرحي بيا
أبو هولكوا نايم صاحي
وصيتي لف الدنيا
وعلشاني الكل جاني
يسهروا عندي صباحي
علشان يشوفوا عنيه
ياناس ياكل الناس
عندي فهم واحساس
حجر صوان وعايش
وعارف بقي بينباس
من بنوته حلوه شقية
مصر ربي حارسها
من غيره راح يحرسها
من ناس غدارة ومؤذية
بقلمي
دكتور صلاح شعبان الفيداوي
القاهرة
١٧/٥/٢٠٢٢
تعليقات
إرسال تعليق