أكتب وانشر ....بقلم الشاعر جاسم ثعلبي الحساني

 إکتب و إنشر

إكتب وإنشر ، خل أحبابك  ، تاکل   من   زرع   الباریته

خل العالم یندب    صوتك   و إیطیع   البیت    الحبّیته

لا تتنازل عن  إهمومك   داعي   الحق لو   جاك   اللیل

إستر کل  عاشق بهمومه  منصور    الذل   لو    شدّیته

لا داعي  لو طحت  إبازمة و  الرب  یندب   لك منصور

دز  أولادك  توگف   بإلحد    یستاهل    طفل    الربّیته

ما أنامن و إعیوني إیغزلن جاني النوم او صحت إتعیش

ما أرید النوم إبلذاتي   نص لیلي    جاني   او   طردیته

لا تستاحش   من   العگرب   ذیله إیخوط او سمِه إرماد

کحّل عیني إبسم   لدقاته   ما   همني  إبسمّه او تبعیته

لا داعي   تشرد   من   هوسة  هوسات  البر شربت ماي

ما هزني الریح  إبچیلاته و   الماي إشتد   او   طوّیته

أنت  القالب  صب  إرسومك  لا تندم  و  إتبوس  النّار

صبّیت   المسند  و  المرکه   او   گلب  الما یندل دلّیته

حوچ الصیرة او دگ إبهامك  و  الموگد  مشعول إبنار

عود  الطافك  لو  ما  ضافك  بإلمشعل  نار  او چوّیته

خلّه إیدوحس ذاك الذمّك تاه إحماره او یشلي  حوح

مخبازة    إبتنور   إتصفّج   غصبن     یمدلل     زتّیته

ذوله  إحفادك  طگ  إزنادك  سیجارة او مشعولة إبلیل

تحرق یابس و اخضر عینک مشروعي إبگلبک شتلیته

جاسم ثعلبي الحسّاني ( جاسم محمد الحسّاني)

 19/08/1392