رحمة ربنا قريبة...بقلم الشاعرة د.زكية فيصل
رحمه ربنا قريبه
هموم الدنيا وخدانا لأبعد حد
تعبنا كتير وملينا وتوهنا بجد
وحزن مغطي علي الكل وكرب اشتد
وضغوط كتيره شايلنها وحمل يهد
مهما كانت الحياه صعبه وعنيده
مهما كانت الظروف قاسيه و شديده
رحمه ربنا قريبه عمرها ماكانت بعيده
قادر ربنا يبدل أيامنا باايام سعيده
يارب يارحمن سهل علينا الصعب
حياتنا بقت غريبه مليانه حزن ورعب
يارب ريح البال يارب طمن القلب
واجعل بيوتنا عمرانه بالخير والحب
طمن قلوبنا يارب واهدينا يارحمن
واجعل حياتنا اجمل في فرح وأمان
يسهل عليك الصعب يارب مهما كان
يارب فرج قريب وسعاده في كل مكان
ارضي قلوبنا يارب وارضي عننا
وارزقنا رزق حلال وبارك في رزقنا
وابعد عنا الهموم وفرحنا كلنا
أملنا فيك كبير ياكريم ياربنا
تعليقات
إرسال تعليق