تعودت أقضي الليل.. الشاعر/مستور محمد الحارثي

 

تعودت اقضي الليل 

--------------

تعودت اقضّي الليل. في دردشة ومزوح

مع صاحبٍ مغليه.... .واعشق سواليفه

.

وقفّا وعقّب في خفوقي.. .حزُن وجْروح

وهمٍّ يهد الحيل ...... لا مرّني طيفـــــه

.

تجاوب دموعي نبض قلبٍ ..عليه ينوح

ولا له من الونات مخرج .. ... وتصريفه

.

أسامر نجوم الليل لين ...الصباح يلــوح

اهوجس كما عَودٍ .........كثيره تخاريفه

.

خواطر على القلب .المعنّى تجي وتروح

هواجس تحسفني ...عليه الف تحسيفه

.

خواطر تبشرني ...ان باب الأمل مفتوح

وهاجس خطير ايعزي... القلب ويخيفه

.

تلاطم بي امواج الفكر بين صمت وبوح

وحالي من اللي صار لي صعب توصيفه

.

اداري واصبِّر.... قلبي الهايم. ...المجروح

وخايف شديد النبض يتلف .....تـجاويفه

.

صحيح ان حبه  مندمج في ثنايا ...الروح

وله في صميم القلب....حشمة وتشريفه

.

ولكن دام انه جنح ........عن هواي جنوح

وطاح القناع وبان لي وانكشف زيـفـــــه

.

فياقلب من خلاك مالك ......معه مصلوح

ومن عافنا يـا قلبي  بْلا سبب .........عيفه

.

وياعين كفي دمعك .....الجاري المسفوح

دخيلك كفايه حرّق......... ...الخد تذريفه

.

وياسمع لا تأسف على صوته .....المبحوح

بعَدْ ما استطاب الهجر ... واشهر لنا سيفه

.

من اول يغيب ولا رجع قلت.. :له مسموح

واداري لساني عن عتابه ........... وتعنيفه

.

ولكن مادام ان له.... .....في الفراق..طْموح

وفارق على كيفه...... ......فلاني على كيفه

.

بطبعي عزيز النفس.. ,واللي يروح ....يروح

متى مافقد مستور .... .....يذكر ....مواقيفه

#مستورمحمدالحارثي#