ماتت الإنسانية...بقلم الشاعرة زكية فيصل
💔ماتت الإنسانيه 💔
كان في مباني كان في ديار
ومستشفيات ومدارس وأشجار
كان في شيوخ وشباب وصغار
كان في عمار أصبح كله دمار
ملامحنا كتير إتغيرت
وكل حاجه إتدمرت
الصورة ليكوا إتصورت
لكن قلوبكوا إتحجرت
العالم كله بيتفرج علي اللي بيحصل
ننده ولا حد بيرد ولا حد بيوصل
بعد دا كله مستنين إيه يحصل
يبقي مالهاش لزمه الصورة ليكوا توصل
ماتت الإنسانيه خلاص ماتت
والرحمه كمان عننا غابت
وقلوبنا من الظلم والقهر دابت
إتخذلنا من الكل وظنونا خابت
مالناش غير رب كريم قادر يرحمنا
من رحمته بينا بياخدنا شهداء في الجنه
مهما بنده وبنصرخ هو وحده اللي سامعنا
ظننا فيه خير هيجبرنا وبالنصر هيفرحنا
زكيه فيصل
تعليقات
إرسال تعليق