بانوراما اسكندرية.. يسري عثمان
بانوراما اسكندريه
الأصل ماريه
----------
مداااااااد مدد مدااااااا مدد
يا ماريه قومى وفرفشى
يلا إفرشى سلسال امل
جهد وعمل يلا إخلعى
توب الملل جرح إندمل
بالفاس وجهد العرقانين
اللى مافرحوا من سنين
وآدى المدد
مدد مدد مدد
مدد عاالقلب الحنيِّن
اللى بيِّن الحب فى شقوق الصخر
مدد مدد
مدد عا الروح المغرمه
طايره ترفرف ف السما
ولما تنزل وسطنا بتضمنا
تفرش بساط الخيرمدد
--------مدد
مددعا لسواعد اللى قالت
مهما الحيطان مالت
بيسندها الامل
مافيش كلل يلا عمل
بطلنا نغزل ف الخيال
بالغزل نصطاد م الرمال
ويبقى دا لعب العيال
فين المدد
مداااااااد مدد مدد مدد
مدد عالعيون اللى تشوف
الضلمه نور ف ملايه لف
على وسط بنات م الحور
بينا وبينهم الف سور
نفسى اكسَّر حتى سور
دا الشوق يغور
الفين مدااااااد
على الايد اللى بتشاور
تطلع تمد تنزل تهد
تبنى جسور تهدم جحور
يبقى الطريق لألفين صديق
ينجا الغريق ماهو دا المدد
مدد مدد مدد
يامارياقومى وإمرحى
يلا أفرحى لمى الجدايل سرحى
جالك عريسك م البلد
شايل مداااااااااااد
ياما انتظرتى بالامل
يا صابوكى بالملل
جالك يحمس للعمل
يغسل جبينك م الزلل
ومعاه مداااااد مدد مدد
مدى كفوفك للضيوف
إتغندرى علشان نشوف
واتعطرى وإتمخترى
وقولى مداااااااد
إتوضى من مية بحرك
انا الطبيب وصفة ربك
سلاح يمينى كنوز حبك
وعا الكتاف شايل مدد
مدد مدد مدد مددددددداد
تعليقات
إرسال تعليق