بيكفي وجع.. الشاعر/مهدي خليل البزال

 

بيكفي وجع .

بيكفي  جَشَع وهموم وأحزان وبِكي 

ل عيون بدل الدَّمع  عمْ  تِرشَح وجَع .

وسنين راحت متل ما بيمرُق سرَاب 

متل القلوب  تكَدَّس عليها  الطَّمَع .

ل نفوس حملِت لهَب عم تحرُق الجنّات 

وكرمالها  بتزيد قوانين  وبِدَع .

كترت مصالح دوَل عا حساب أوطاني

حتى نفَسهم تشبّع  بنسم وخِدَع .

وكل يوم  عنا  موت وعنا  دمّ 

الحيطان ما عادت من صورهن تنقَشع .

يا ريت ترجع ها القلوب  ل كاينة 

من زمان قبل الكُره ترجع تنجَمع .

كنا سوا  شفينا  وطن  مجروح 

يمكن دواه الحبّ لَ يروح  الوجع .

شعر مهدي خليل البزال .

ديوان الملائكة .

بيكفي وجع 

الرقم الإتحادي 350/2024

22/5/2024