ياطيب اوعى تتغير....بقلم الشاعرة زكية فيصل
(ياطيب اوعي تتغير )
خليك أصيل ولو حتي ميستهلوش
إوعي في يوم تتغير وتبقي زيهم
الطيبين موجودين في الدنيا مخلصوش
وعند ربك الرحمن رضاهم وجبرهم
ولا تزعل يوم انك طيب ولاتندم علي فعل الخير
دا العمر بيعدي في لحظه والعمل الصالح اللي بيبقي
إزرع خير ومحبه وطيبه تحصد منهم رزق كتير
لما تعوم هتعوم في البحر اللي انت رميت فيه الشبكه
الدنيا دي دوارة وكما تدين تدان
لو ظلمك حد سيبه واشتكيه لله
صدقني والله هتبقي انت الكسبان
وهو بكرة يدوق ويشرب من اذاه
الطيب مش عبيط دا اذكي خلق الله
عارف ان الدنيا فانيه ومش دايم له غير طيبته
عايش بقلب هين لين زي النبي ماوصاه
ومش فارق معاه غير انه يرضي ربه
عيش بقلبك الطيب وصفي نيتك
ومهما يعملوا إوعاك في يوم تتغير
خلي هدفك رضا ربك وجنتك
دا إللي يبعد عن ربنا يشقي ويتحير
زكيه فيصل
تعليقات
إرسال تعليق