بنكسب....بقلم الزجال خيري حسني
قصيدة بعنوان
(بنكسب ؟؟؟؟!!!!!!)
بنكسب كل يوم حد.
ناس بتجبر الخاطر.
وناس على الخير
إيديها بتتمد.
ناس تشيلك في
وقت عوزه
لو عديتها
قليلة في العد.......
ناس تحبك عشان
إنت وحبها ليك
عن جد.......
تقف جنبك عشان هي
جزورها أصول
في الأرض
ليها باع طويل
بيمتد......
بنكسب كل يوم ناس.
ناس تنحط على الراس.
وناس سلامها في سلام
و بيترد.......
حبيبك ال مش منك
يقابلك بوجه بشوش.
وإن لواك الزمن
يعدلك
يقف في ضهرك
ويشتد.......
بنكسب كل يوم أحباب
وبنخسر في ال رد
الباب وكشر
لينا وإحتد........
حياتنا في دنيا قلابه.
أخوك مهما كان منك
وليك أحباب مش منك
تحتاجهم يشيلوا عنك
وصاحبك لما يكون
صاحبك حيطه
في وش الإحتياج
سد......
بنكسب كل يوم
حد..........
ناس أقوالها أشعار.
تغني على هوا ليلها
وهو في طبعه زمار
تحطه خلف الواحد
إصفار.........
إن كان لازم
ولابد.........
بناقص ال كان منه
إن كان يومه النهارده.
بكره يومنا
في الغد.........
بنكسب كل يوم حد
ونشوف وياما شفنا
على مدد شفنا.
وإن طال بينا العمر
هانحب ال كان منا
وال مش منا
وهانمد إيدينا بالتفاريح
وهانزعل في يوم
زعله وهانفرح في
يوم فرحه
ونشيل معاه الليله
وكلامنا ليه
ماهوش
صد.........
بنكسب كل يوم
حد.........
الطيبه زرعه مزروعه
والسيرة على الملأ
مسموعه.
والقلب ال بيحب
الناس ديما
بالحب يقول
خد...........
بنكسب كل يوم
حد
6/10/2024
بقلمي؟؟؟؟؟؟؟!!!!!!
(شاعرالعاميه/خيرى حسنى)
تعليقات
إرسال تعليق