قل ياشاعر....بقلم الشاعر عبد الكبير محمد أحمد
✍🏻قل يا شاعر🎤 بقلب فيه.....حبة مشاعر
مش ها تظلم....أي شاعر
يصحي شوقنا والضماير
بكلمة خدها....م الحروف
لو سكت.....والركب ساير
يمشي وسط الجمع حاير
ظلام ف دنيا كاس وداير
مع الملام نشكي الظروف
ولو عتاب..... بلاش تعاير
وتبقى......ويا الظلم جاير
وزرع أرض حصادها باير
تشبع شماتة..ناس تشوف
شاعر يداوي....جرح غاير
نفوس بتبني....وهم طاير
الحزن لو...مجدول ضفاير
طرح الأمل....يكفينا خوف
بلاش.... نفتش ف السراير
ونعيش بكيد...غل الضراير
ومادام.....كلام الحق صاير
قول يا شاعر...معاك نطوف
*************************
✍🏻بقلم/عبد الكبير محمد أحمد
جمهورية مصر العربية المنيا
تعليقات
إرسال تعليق