عشق بدوي....بقلم الشاعر دخيل العطيوي الثقفي
عشق بدوي
للشاعر دخيل العطيوي الثقفي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وانا مع شمرخ اسج الرجل واسرع فالمسير
صوب الديار اللي سكن فيها الغرام اليعربي
زادت شجوني وابتدى شوقي لها ماهو قليل
وضعتها ثالث ثلاثه لاذكرت امي وابي
واحسها يم اتجاهاتي كما النجم الدليل
وش عاد لا سارت هوا روحي وزاد ومشربي
ظبي رعت شم الجبال اللي على الباحه تخيل
فيها شموخ الحره النجلا وطيب المنسبي
لي في هواها عشق شاعر ماعرف غير الجميل
عشق بدوي ثابت ثبوت الفجر بعد المغربي
اخذتها وانا اعرف اني جبت لي خيلا اصيل
في حبها . اسري من الطايف بعز ومذهبي
جيت اطلبك بالدين والسنه ولا عنها بديل
تجانس الاعراف بسم الله سمي واقربي
الدين واحد والمذاهب سلمها ما هو بخيل
والعمر واحد غير حظي فيك بعد امي وابي
تعليقات
إرسال تعليق