شط الصبر....بقلم الشاعر حسن الشوان
........ شط الصبر ..........
بنحاول نتماسك فى الأحزان
وشوية دموع نفضفض بيها
على شط الصبر ذى الأغصان
تجرى تلمع تنقط ع ضواحيها
شكة الحسره تفصل الحيطان
والشكه فينا مين يقدر عليها
نبض قلب ودم فى الشريان
ومفيش قطع غيار لأى إنسان
والدوا مابيداويش أى أحزان
ولا بيغير معالم عايشين فيها
شجرة الحزن طارحه ع البيبان
واحنا اللى كل يووم بنسقيها
لجل تدارينا وتضلل المكان
اتولدنا لقيناها ولعبنا حواليها
مزرووعه فى بيتنا من زمان
وذكرياتها معانا لينا وليها
تراثها معانا على كل الألووان
جدورها متشعبه تحت الجدران
متكتفه فى الأرض بلأحضان
وذى حالتنا اللى فيها مكفيها
.........................................
....... د . حسن الشوان 🇪🇬 ......
تعليقات
إرسال تعليق