شكرا أمي.. بقلم الشاعر/أحمد منصور
أحمد منصور ✍️
*******
ومهما الشمس يوم غابت
وعدا سنين
وحتى الدمعة لو جفت
أكيد فكرين
عيونك بسمتك قلبك
أكيد سمعين
أكيد حساني طول وقتي
خوديني بين إيدكي لتنين
تهديني ولملمي فيا نور عيني
دا برد البعد من بعدك
علا جبيني
وفين حضن الدفا
في شمسك يدفيني
وأنا وقلبي هنا مشتاق
للحظه من صبا العشاق
ولسه ليكي شوق وأشواق
بنديكي كفاية فراق
فنديني
كأني لسه طفل صغير
وبيعاني
ما هو قلبك كان الباني
ورباني
وفين حضنك تضميني
ويرعاني
يا نور عيني
تمشي إيدكي على شعري
تحس جوارحي ومشاعري
وأنا نايم على حجرك
تلميني
في أحضانك تروح الآه
يزول عني التعب وأنساه
ولسه بنادي يا أمي
تضميني
هموم بعدك بتئلمني
بإيدك طبطبي ولمي
ودفيني
ولسه الجرح ملمش
ولا إتهمش
ما بين القلب والعبارات
وفوق السطر والصفحات
بدمع العين كتاباتي
حتى دمعتي ما جفتش
من غيرك فرحتي مكملتش
وقفلت البيبان مدريتش
وفات العمر وسنيني
دا صورتك لسه جوايا
يا أمي يا سر دنيايا
في عيدك جاي أهديكي
كلام م القلب
د انا عايش ومش عايش
عشان العمر بعدك ضل
لا فيه ياسمين ولا فيه فل
وكنتي إنتي ياسميني
تعليقات
إرسال تعليق