نسيتك.. بقلم الشاعر/أيوب سليمان المقطري
نسيتــك
★★★
أيوب سليمان المقطري
١٩٩٧/٧/٣
★★★
نسيتك
نساك قلبي
ربخ من غصته
و ارتاح
حلف ما عد شعود ثاني
لعيش الآح بعد الآح
سَهر
و اشجان تذبحني
تجرعني العنا أقداح
طويتك
يا ظما روحي
يكفّيني هموم واتراح
وقفّلت الفؤاد دونك
ولا اشتلقي لُه مفتاح
#######
نسيتك
تركتك في خبوت
ما ليش بداية أو طرف
ومهما جيت تدور لي
شقلّك : للأسف
نسيتك
وانقضى وقتك
نزيف الجرح في قلبي وقف
#######
نسيتك
نزعتك من صميم روحي
نتعتك
من عروقك والجذور
محيت اسمك والقابك
ولا عد لك
بأيامي حضور
رميتْ اوراقنا للريح
أحرقتْ الرسائل
والزهور
كفى ما قد مضى
ذقتك سموم
خضتك بحور
نسيتك للأبد
من حس وجداني
ومن عمق الشعور
#######
تعليقات
إرسال تعليق