لا تتكبر.. بقلم الشاعر/حاتم عومر

ولا تتكبر عالناس بكلامك تهين

                                    كرامة بعض الناس معدنها ألماس

وخلي كلامك يقطف الثمر باللين

                                 بالوزن ما يحتاج حارس ولا عساس

وسيرتك حلوة بكل وقت و حين

                                       و لا تخليها تحت الثرى تنداس

وصيطك عالي مو كلام مجانين

                                    مبنى الصيط عدى سنين اكداس

وخلك بين الناس تساعد تعين

                                        يعينك الله حتى بساعة نعاس

و العقل كبير حارت فيه الموازين

                                     و قدرك عالي معروف بين الناس

و احمد الله خالق البشر من طين

                                    و وصية نبينا مساواة بين الناس

في العمر كبير لو عدوهن سنين 

                                   و من قدرك محطوط فوق الراس

تبقى كما النوار فايح في البساتين

                                     نسيمك فايح كي بخور أعراس

و طوف في سماك فارد جناحين

                                  و كل من شافك قال عليك نبراس

          ..... مع تحياتي ..... حاتم عومر ......