قولي مين.. بقلم الشاعر/أحمد إبراهيم النجار
بتاريخ 19/3/2022
قصيدة( قولي مين؟ )
بقلم الشاعر المصري
أحمد إبراهيم النجار
مش بلومك
لما ابعد يوم وافوتك
لما ابعد عن شطوطك
لما أغرق يوم واموت
قربي منك بعدي عنك
فى النهاية كله موت
بين بحور الغربة سالك
بين غروب الدمع ليلك
كله حالك
والسواد غطى الحدود
ااااااه يا موت
مكتوب فى سطرك والشراع مكسور فى بحرك
والساعات عقرب رديئ
فوق حيطانك عنكبوت
والشقوق فى تاريخ قديم
والزمان هو الزمان
والمكان هو المكان
والعقارب مكسورين
وااااه يا ليل حالك سواد
وااااه يا ويل
فى الحضن بات
واااااه يا دمع العاشقين
من جفاكِ من هواكِ
من غروبك الطويل
الف عام والديك يصيح
بس فى الليل الأليم
الف عام والحزن ساكن
فى عيون المحرومين
الف عام والفجر هاجر
من دروبك من شروقك
من جمالك من حدودك
واللى باقى
حبوب رديئه محروقين
من سنين
الف الف الف عام
الف الف الف عام
والعقارب مكسورين
أمس يومك زي توبك
لون سواد والرماد
بالتراب متلونين
والعيون متغمّين
والنهار مالهوش وجود
بين دروب العابرين
واااه ياضوء خافت بعيد
والشروق كدبه ف عيونك
حتى لونك مش جميل
لما ضاع فى الحلم نورك
والأيدين متكتفين
قووووولي مييييين
هد الحصون
قوووووولي مييييين
غطى العيون
قووووولي مييييين
ده الجرح نازف
من عروقك
والدموع تحت الجفون
حتى صوتك
مش هو صوتك
لما زاد الظلم فيكِ
والشروق أصبح سجين
وااااه يا ليل حالك سواد
والنهار مالهوش عينين
قوووولي مييين
حرق الخضار
قوووولي مييين
اشعل نيران
بين دروب العابرين
قوووووولي قوووووولي
قوووووووولي ميييين
بقلم الشاعر المصري
أحمد إبراهيم النجار
تعليقات
إرسال تعليق