يلي الجنة تحت أقدامك.. بقلم الشاعر/أنعام أبو سعيد
يلي الجنة تحت اقدامك
لأنسج من خيوط الشمس شالك
وإحني لهامي بس قدامك
ياغالية ومتوجة ع الكل
الك الفرح وللكل كرمالك
ياللي وقفتي فوق هالجنة
وحبك ياآمي مغلغل بدمي
يالأكرمك أنت إله الكون
وبعض البشر ماتقدر النعمة
البعض صوته بحضرتك يعلا
هم للأسف مابيعرفوا الله
ياللي الإله بكل محبة وخير
وسع لأقدامك جنته كلها
ما أجهله من ينكر افضالك
وينسى التعب ال شالته أفكارك
ياما لشقة فجر سهرانة
ورمشك ذوي وشوتعبت أوصالك
وياما سبقت النجم بطلوعك
تاتشرقي ع الكل بسطوعك
طلة بهية تصبح الرحمان
تاتسيجي ع الكل بضلوعك
كل المحبة إلك ياراعية للكل
يازارعة لقلوبنا بالفل
شو ماعطينا حضرتك منظل
مامنقدر منوفي لافضالك
انعام ابوسعيد
تعليقات
إرسال تعليق