كيف كنا وكيف صرنا.. بقلم الشاعرة/زينب مغنية

 كيف كنّا وكيف صرنا ..


كِنّا لمّا نُنطر بكرا 

نحسّو إنّو كتير بعيد 

وننطر معو فرحة جديدِة 

وشغل وعجقة ومواعيد 

ودقّة قلب ودفى و حب 

وإحساسُن من مَسْكة إيد 

وإنّو الدّنيي كلّا حلوة

وكل دقيقة فيها عيد 

بس هلأ .. 

صرنا نخاف تِغفى عينينا 

ونحلم بإم الشهيد 

ونفيق نلاقي حوالينا 

فِتنة وكره وحِقد جديد 

ومن أعز الناس علينا 

خيانة وفِرقة عم بتزيد 

وحُب الجَسد وحدو اللي يبقى 

وحب الرّوح يروح بعيد 

ولقمة أكل وشِعلة ضو 

يصيروا حلمنا الوحيد 

يا الله تعبنا ستوينا 

وما في شي طالع بالإيد 

بدنا لُطفك وفرَجك علينا 

إذا مِش بكرا لبعدو أكيد ..

                                   بقلم زينب مغنيّة

تعليقات

المشاركات الشائعة من هذه المدونة

سبحان مبدل الأحوال...بقلم الشاعر عيسى حموتي

لغات العين....بقلم الشاعر عيسى حموتي

تائهة مع الأمواج....بقلم الشاعر هاني فايق اسكندر فرج

جنازة الغزل....بقلم الشاعر محمود قاسم

أنا من بلادي العرب أعشق موطني....بقلم الشاعر ساري مشارقة

مدينة المرايا تنير وتستنير...بقلم الكاتب والشاعر علاء فتحي همام

صخرة سيزيف....بقلم الشاعر محمد أكرجوط

ملحمة العاشقين....بقلم الشاعر حسن احمدالفلاح