حشري.. بقلم الشاعر/جمال زكى عينر
( حِشَرِي ) :
حِشَرِي وحاشِر مناخيرك ؟
في كل صغيَّرة وكبيرة
بتخش ليه في شئون غيرك ؟
ولا بد يكونلك تأشيرة
كان حد سألك رأيك ايه ؟
او حد محتاج خِبرَاتك ؟
من غير مؤاخذة يا عم البيه
إحنا ف غِنَى عن خدماتك
خليك في نفسك اكرَم لَك
بلاش تِنزِل مِن حالك
إحفظ كرامتك أسلملك
وعدِّل إنت ف أحوالك
دايماً عامللي ابو العرِّيف
وواد مِفتَّح وحَلنجِي
لطيف أوي وبدم خفيف
ومثقف الواد كلامنجي
لو تلتزم بس حدودك
وتعرف إنك مش مقبول
الناس ماهِش طايقة وجودك
مش سامعة ليك مهمَن حتقول
ليه تبقى كده مكشوف الوِش ؟
وإن حد صدَّك ما بتفرِقش
لزقة ورِزِل وبايِع دمَّك
بالظبط زي الدُود في المِش
لزقة ورِزِل وبايع دمَّك
بالظبط زي الدُود في المِش
بقلمي الشاعر جمال زكي عينر
تعليقات
إرسال تعليق